протекција | ж.
Заштита, покровителство.
протекционизам | м.
Политика на заштита на домашното производство од странска конкуренција преку воведување на високи царини за увозните производи, а намалување на извозните царини за домашната стока.
протекционист | м.
Приврзаник на протекционизмот.
протера | св.
Изгони, прогони од некаде. Новата власт протера некои видни научници од земјата. Комисијата постојано протерува некого од Домот.
протест | м.
Остар приговор, израз на незадоволство, на неодобрување на нешто.
протестант 1 | м.
Припадник на протестантизмот.
протестант 2 | м.
Лице што протестира.
протестантизам | м.
Третиот основен правец на христијанство, според кој основа на верата е Евангелието, и дека секој поединец може да воспостави контакт со бога и дека за тоа не му е потребна црквата; назив за сите христијански заедници што се одвоиле од католицизмот за времето на реформацијата, во XVI век.
протестантство | зам.
Протестантска црква и нејзиното членство; протестанти
протестен | прид.
Што се однесува на протест. Протестен собир.
