пеливанство | ср.
Ориентално народно, традиционално борење.
пеликан | м.
Крупна водна птица со долг врат и голем клун под кој виси ќесе за собирање риби како храна; Pelecanus onocrotalus.
пеликанов | прид.
Што припаѓа на пеликан. Пеликанов плен.
пелин | м.
(бот.) Ароматично растение со лековити својства и горчлив вкус, расте во вид на грмушка со разгранети стебленца и влакнести листови; Arthemisia absinthium. Ракија со пелин.
пелинач | м.
Вино или ракија со малку пелин.
пелинов | прид.
Што содржи пелин. Пелиново вино.
пелиноса | св.
Зачини со пелин, додаде пелин. Тој ја пелиноса ракијата.
пелир | и.
Вид тенка хартија што се користи обично за пишување на машина со индиго меѓу листовите, во повеќе примероци.
Пелистер | м.
Планински врв во Македонија.
Пелистерски Очи | и.
Планински езера во Македонија.
