распростира | несв.
распростирач | м.
Простирка, ткаенина за покривање. Шарени распростирачи.
распространет | прид.
Проширен, раширен, познат нашироко. Распространето мислење. Распространет израз. Распространети ендемски видови. Распространета болест.
распространи | св.
Направи нешто да зафати голем простор, прошири, рашири. Тој го распространи својот имот.
распространувач | м.
Личност што шири некакво влијание, што дејствува во некоја област. Распространувач на класичната музика во Македонија. Распространувачи на романтизмот.
распростре | св.
Простре нешто нашироко. Тој го распростре шаторот на ливадата. Таа ги распростре чаршафите.
распрпела | св.
Прпела малку или уште малку. Таа го распрпела месото во брашно.
распрпелка | св.
Распрпела малку;
распрска | св.
Изврши прскање со течност нашироко, на разни страни; прска 2. распрсне
распрскувач | м.
Прскалка или дел од прскалка. Распрскувачите се поставуваат на неколку места. Преку цевката водата доаѓа до распрскувачот.
