регресивен | прид.

Што е назаден, што води кон регрес; Регресивен процес. Регресивна состојба. Регресивна асимилација.

регресира | св. и несв.

Назадува, заостане, заостанува, опадне, опаѓа. Процесот на производство регресира.

регресија | ж.

Отстапување, враќање назад, назадување. Економијата доживеа регресија. Регресија во литературата.

регрут | м.

(воен.) Војник во почеток на служба, до давање заклетва.

регрутација | ж.

(воен.) Пополнување воени единици со нови војници. Регрутација на момчиња од 18 до 28 години.

регрутен | прид.

Што се однесува на регрутација. Регрутен центар. Регрутна комисија.

регрутира | св. и несв.

Земе, зема обврзници за регрути (војници); врши, изврши регрутација. Министерството за одбрана ги регрутираше сите момчиња над 18 години.

регрутува (се) | св. и несв.

регула | ж.

Правило, пропис, мерило, одредба. Законски регули.

регуларен | прид.

Што се подведува под определена регула, што е според прописите, правилен, редовен, рамномерен, навремен. Регуларни барања. Регуларен преглед. Регуларен план. Регуларен одговор.