регрутен | прид.
Што се однесува на регрутација. Регрутен центар. Регрутна комисија.
регрутира | св. и несв.
Земе, зема обврзници за регрути (војници); врши, изврши регрутација. Министерството за одбрана ги регрутираше сите момчиња над 18 години.
регрутува (се) | св. и несв.
регула | ж.
Правило, пропис, мерило, одредба. Законски регули.
регуларен | прид.
Што се подведува под определена регула, што е според прописите, правилен, редовен, рамномерен, навремен. Регуларни барања. Регуларен преглед. Регуларен план. Регуларен одговор.
регулатива | ж.
Вкупност од правила или прописи. Законска регулатива. Правописни регулативи.
регулативен | прид.
Што е дел од регулатива, што регулира, што врши регулација. Регулативна улога. Регулативна мерка.
регулатор | м.
(техн.) Апарат за регулирање, за следење на работата на некој механизам, машина и сл. Регулатор на топлина. Регулатор на светлина. Регулатор на брзина.
регулаторен | прид.
Што се однесува на регулатор; Регулаторна дејност. Регулаторно дејство.
регулација | ж.
Внесување определен ред, уредување на нешто. Регулација на системот за издавање патни исправи. Регулација на производството на лекови.