регион | м.
Територија, подрачје, област, место, крај; регија Источни региони на Европа. Охридски Регион. Брегалнички Регион.
регионален | прид.
Што се однесува на регион, што припаѓа на регион, на некоја одделна област, дел од земја; областен, местен. Регионални патишта. Регионална програма. Регионално производство. Регионални говори.
регионализам 1 | м.
Стремеж, настојување за одделно економско, културно и политичко осамостојување, со истакнување локални и регионални особини.
регионализам 2 | м.
Карактеристични црти во јазикот. Има зборови што може да ги сметаме за регионализми. Карактеристиките на носијата се регионализми и не се среќаваат во други носии.
регионализација | ж.
Делење на покраини, на региони. Регионализацијата во некои области се покажа како добра идеја.
регионалист | м.
Приврзаник на регионализмот и/или негувач на регионализми. Продуктивни македонски регионалисти.
регистар | м.
Список со записи подредени во определен ред: попис на зборови, предмети, лица подредени по азбучен ред или според некоја друга прегледна форма. Регистар на имиња. Азбучен регистар. Регистар на зборовни единици.
регистар-каса | ж.
Благајна што пресметува автоматски, книжи, подредува и има определен простор за чување пари.
регистратор | м.
Лице што води регистар во некоја установа. Овие документи треба да ги заверите кај регистраторот.
регистратура | ж.
Служба, оддел каде што се врши регистрација. Во градот има неколку регистратури.
