режимлија | ж.
Бескомпромисен приврзаник на определен систем на владеење. Режимлиите слепо му веруваа на лидерот.
режимски | прид.
Што му припаѓа, што се однесува на режим. Режимски човек. Режимски живот.
режира | св. и несв.
Изврши, врши работа на режисер. Тој ја режираше оваа драма.
режисер | м.
Уметнички раководител во создавањето на некое дело (филм, театарска претстава, телевизиска серија и сл.). Млади режисери. Умешен режисер. Филмски режисер.
режисерство | ср.
Дејност на режисер. Еден период тој се занимаваше со режисерство.
режиски | прид.
Што се однесува, што припаѓа на режија. Режиска постановка. Режиски трошоци.
режовит | прид.
За пијалак ‒ што реже. Режовита боза. Режовито вино.
рез | м.
Дел од сечило на нож, на сабја и сл. Ножот има добар рез. Резот на сабјата е прецизен.
резакија | ж.
Вид десертно грозје. Чинија полна со резакија.
резанка | ж.
Парче, дел, обично од лубеница, диња, леб и сл. Една резанка лубеница. Една резанка црн леб.
