режија | ж.
Сите дејства врзани со поставување и со реализација на некоја драмска, филмска, телевизиска, театарска сцена до нејзиното остварување во сценски чин. Многу добра и скапа режија. Според режијата се предвидени голем број статисти.
режовит | прид.
За пијалак ‒ што реже. Режовита боза. Режовито вино.
рез | м.
Дел од сечило на нож, на сабја и сл. Ножот има добар рез. Резот на сабјата е прецизен.
резакија | ж.
Вид десертно грозје. Чинија полна со резакија.
резанка | ж.
Парче, дел, обично од лубеница, диња, леб и сл. Една резанка лубеница. Една резанка црн леб.
резанки | ж.
Мошне тенко изрежано тесто што се користи за супи, за чорби или како прилог кон јадење. Супа со резанки. Варени резанки.
резач | м.
Лице што реже лозје, дрвја и др. Напролет резачите имаа работа во овоштарникот.
резачка | ж.
Машина за режење.
резба | ж.
Изработка на фигури со резбање, обично во дрво. Дарбата за резба ја имаше од дедо му. Се занимава со резба.
резба | несв.
Длаби, реже, копаничи, обично во дрво. Тие резбаа во дрвото цела ноќ. Резбаа рамки со убави форми.
