резбан | прид.

Што е украсен со резба, што е резултат од резбање. Резбан ковчег. Резбан иконостас.

резбар | м.

Тој што се занимава со резба, мајстор што изработува резби. Мијачки резбари. Охридски резбар.

резбарство | ср.

Дејност на резбар, изработување резби; копаничарство. Тој се занимава со резбарство. Развој на резбарството во Македонија.

резе | ср.

Железна направа за заклучување порти, прозорци и сл. Тешко резе. Крцна резето. Црковно резе. Порта со резе затворена.

резеда | ж.

(бот.) Вид пролетно, мирисливо цвеќе; Reseda lutea.

резен | м.

резенка | ж.

резерва | ж.

Складирани продукти или други стоки оставени за да бидат употребени во случај на потреба; обично Резервите од шеќер се намалија. Резерви од масло. Материјални резерви. Резерви од жито.

резерват | м.

Територија, подрачје каде што се заштитени одделни растенија, животни, остатоци од некоја етничка група со правни акти од страна на државата. Шумски резерват. Ловен резерват. Резерват за барски птици.

резервација | ж.

Задржување право врз нешто додека не се исплати цената. Колата е во резервација до крајот на исплатата.