ректифицира | св. и несв.
Подложи, подложува на прочистување, поправање; изврши, врши ректификација. Фекалните води постојано ги ректифицираат во прочистителната станица.
ректор | м.
Раководител, управник на универзитет или на некоја духовна и образовна институција од висок ранг. Ректорите на македонските универзитети одржаа состанок.
ректорат | м.
Управа на универзитет или на некоја духовна и образовна институција од висок ранг. Ректоратот одлучува за овие прашања.
ректорство | ср.
Должност на ректор. Ректорството го доживуваше како голема обврска.
ректум | м.
Крајниот дел од дебелото црево.
релаксатор | м.
(техн.) Апарат што вибрира и овозможува опуштање на мускулите. Релаксаторот се користи секојдневно по десет минути.
релаксација | ж.
Опуштање. закрепнување, разонода, психички и физички одмор. Релаксација по напорната работа.
релаксира | св. и несв.
Опушти, опушта; разоноди, разонодува, закрепне, закрепнува психички и физички. Новата програма релаксира и смирува.
релаксиран | прид.
Што е опуштен, што е ослободен од психички притисок и од физички напор. Релаксирани гости. Релаксирано момче.
релативен | прид.
Што важи само под определени услови, што може да биде променлив, односен и обусловен од околностите, што нема определена вредност сам по себе; апсолутен. Релативен поим. Релативна рамнотежа.
