рехабилитира | св. и несв.

Изврши, врши рехабилитација на некого или на нешто. Со помош на Законот за денационализација таа го рехабилитира одземениот имот. Најновите научни истражувања ја рехабилитираа неговата дејност.

рецензент | м.

Автор на рецензија; оценувач, критичар на уметничко дело, тој што пишува рецензија за нешто. Театарски рецензент. Рецензентите напишаа позитивна рецензија.

рецензентски | прид.

Што се однесува, што припаѓа на рецензент и на рецензија. Рецензентска комисија. Рецензентски извештај.

рецензира | св. и несв.

Напише, пишува рецензија за нешто; оцени, оценува; даде, дава приказ, мислење, информација, извештај за нешто или за некого. Одборот позитивно ја рецензира статијата. Тој ја рецензира книгата.

рецензија | ж.

Писмен приказ, оцена на уметничко, научно дело, за определена дејност на некоја личност и сл. Позитивна рецензија. Долга рецензија. Негативна рецензија.

рецепис | м.

Писмена потврда, расписка со која се докажува сопственост или дека нешто е предадено некому или испратено преку пошта.

рецепт | м.

Писмено упатство од лекар за издавање, подготвување лек во аптека и за негово користење. Матичната докторка му напиша рецепти за два месеца. Лекот треба да се користи според рецептот 2. Упатство за изработка и за постапка при изработка на некоја смеса, храна, пијалак и сл. Рецепти за готвење. Рецепт за торта. Рецепт за слатко од смокви. Рецепти за маски за лице.

рецепта | ж.

рецептивен | прид.

Што е способен за приемање, за сфаќање, за прифаќање; што е способен за рецепција. Рецептивен дел од окото. Рецептивни слушатели. Рецептивни нервни влакна.

рецептор | м.

Собирач на данок, долг и сл. Општински рецептори.