реформира | св. и несв.
Спроведе, спроведува реформи, преобрази, преобразува, преуреди, преуредува, внесе, внесува промени, измени. Владата донесе програма за да го реформира задравството. Новиот закон го реформира судството.
реформист | м.
Приврзаник на реформизмот.
рефрен | м.
(лит.) Стих или група стихови што се повторуваат, обично на крајот на секоја строфа. Четвртата строфа завршува со рефрен.
рефундација | ж.
Поврат, враќање пари, обично што биле погрешно платени или натплатени при плаќање. Владата го рефундираше данокот од приходот од влезниците.
рефундира | св. и несв.
Изврши, врши рефундација, поврат, надомести, надоместува, врати, враќа пари. Тие ги рефундираа средствата.
рефус | м.
Стока (прехранбени производи) што претставува отпадок при производството, но што може да се користи. Рефусот од производството го пакуваа во големи картонски кутии. Многу малку останува рефус.
рехабилитација | ж.
Повторно воспоставување углед, добар глас, чест, репутација. Морална рехабилитација. Рехабилитација на добриот глас.
рехабилитира | св. и несв.
Изврши, врши рехабилитација на некого или на нешто. Со помош на Законот за денационализација таа го рехабилитира одземениот имот. Најновите научни истражувања ја рехабилитираа неговата дејност.
рецензент | м.
Автор на рецензија; оценувач, критичар на уметничко дело, тој што пишува рецензија за нешто. Театарски рецензент. Рецензентите напишаа позитивна рецензија.
рецензентски | прид.
Што се однесува, што припаѓа на рецензент и на рецензија. Рецензентска комисија. Рецензентски извештај.