рецензија | ж.
Писмен приказ, оцена на уметничко, научно дело, за определена дејност на некоја личност и сл. Позитивна рецензија. Долга рецензија. Негативна рецензија.
рецензира | св. и несв.
Напише, пишува рецензија за нешто; оцени, оценува; даде, дава приказ, мислење, информација, извештај за нешто или за некого. Одборот позитивно ја рецензира статијата. Тој ја рецензира книгата.
рецепис | м.
Писмена потврда, расписка со која се докажува сопственост или дека нешто е предадено некому или испратено преку пошта.
рецепт | м.
Писмено упатство од лекар за издавање, подготвување лек во аптека и за негово користење. Матичната докторка му напиша рецепти за два месеца. Лекот треба да се користи според рецептот 2. Упатство за изработка и за постапка при изработка на некоја смеса, храна, пијалак и сл. Рецепти за готвење. Рецепт за торта. Рецепт за слатко од смокви. Рецепти за маски за лице.
рецепта | ж.
рецептивен | прид.
Што е способен за приемање, за сфаќање, за прифаќање; што е способен за рецепција. Рецептивен дел од окото. Рецептивни слушатели. Рецептивни нервни влакна.
рецептор | м.
Собирач на данок, долг и сл. Општински рецептори.
рецептура | ж.
Упатство за пропишување, подготвување и издавање лекови во аптека. Лекарот му пропиша две рецептури.
рецепција | ж.
Примање, преземање, усвојување (поими, културни вредности и сл.); сфаќање, разбирање на нешто. Лесна рецепција на оваа поезија. Рецепција на неговите уметнички дострели.
рецепционер | м.
Тој што работи на рецепција, што врши рецепција, пречекува, прима и испраќа гости. Рецепционер во хотел. Рецепционерот зборува неколку светски јазици.