рецес | м.
(екон.) Заостанат долг.
рецесивен | прид.
Што се однесува на рецесија, во кој има рецесија. Рецесивна личност.
рецесија | ж.
Опаѓање на стопанската активност, на економската моќ на некоја земја, намалување на способноста за инвестирање и за вработување, состојба што значи завлегување во економска криза, стопанска криза од поголеми размери. Рецесијата ги погоди најразвиените земји. Голема економска рецесија. Материјална рецесија.
рецидив | м.
(мед.) Враќање, повторување на некоја прележана болест. Рецидив од прележани морбили.
рецидивизам | м.
Повторување кривични дела од извршител кој извршил такви дела порано. Казните за рецидивизам немаат олеснување.
рецидивира | св. и несв.
(мед.) Се повтори, се повторува некоја болест. Туморите рецидивираат.
рецидивист | м.
Повторник на кривично дело. Рецидивистите добиваат построги казни. За рецидивистот нема олеснувања.
рециклажа | ж.
Повторно искористување, повторна употреба на користени предмети (отпадоци) во производствен процес со нивна целосна преработка. Рециклажа на хартија. Рециклажа на старо железо.
рециклира | св. и несв.
Повторно искористи, искористува отпадоци, стари, користени предмети (хартија, стакло, пластика и др.). Тие ја рециклираа старата хартија.
реципиент | м.
(мед.) Лице што прима крв со трансфузија. На реципиентот му се дава само иста крвна група.