ротира | св. и несв.
Врти, заврти нешто во круг (околу оска или околу точка на ротација). Тој го ротираше глобусот и ги бараше земјите што излегувааат на вода. Ученикот ја ротираше отсечката околу точката А. Циркусантот ги ротираше алките околу својата рака.
ротирачки | прид.
Што се врти, што ротира. Ротирачки казан на машина. Ротирачки огледала.
ротквичка | ж.
Вид мала 'рдоква со црвен корен; Raphanus radiculata.
ротонда | ж.
Валчеста градба со купола.
ротор | м.
Подвижен дел на машина, турбина, електричен двигател и сл. Роторот на динамо-машината добива кружно движење од коленестата оска.
роторен | прид.
Што се однесува на ротор.
рото-хартија | ж.
Хартија што, обично, се користи за печатење весници.
рофја | ж.
рочиште | ср.
Судски претрес, судска расправа, процес. На рочиштето исказ даде главниот сведок.
рошав | прид.
За коса, брада, мустаци и сл. ‒ неуреден, расфрлан, бушав. Рошава брада. Рошава и абрашлива глава.