раздере | св.

Искине на парчиња. При падот ги раздра панталоните на колениците.

раздетини се | св.

Почне да се однесува како дете. На старост се раздетини.

раздига | св.

Дигне некои работи од некаде, расчисти, раскрене. Таа ги раздига расфрлените алишта по собата.

раздигне | св.

раздими | св.

Направи нешто да почне да испушта дим; распали, разгори. Големиот студ ги раздими оџаците на куќите.

раздипли | св.

Развие, развитка, одвие, одвитка нешто свиено, завиено. Таа ја раздипли облеката од куферот. Го раздипли весникот и фати да чита.

раздира (се) | несв.

раздирачки | прид.

Што пронижува, што пара. Раздирачка тага.

раздирлив | прид.

Што пронижува, што пара. Раздирлив крик.

раздобје | ср.

Подолг временски период обележан од некој значаен настан во историјата, науката, уметноста итн.; епоха.