разјадлив | прид.

Што може да се разјаде, оштети. Разјадлива супстанција.

разјадоса | св.

Доведе во состојба на јад, гнев, разгневи, разлути. Нејзината постапка го разјадоса.

разјарен | прид.

Што е опфатен со јарост, што изразува јарост. Разјарен ѕвер. Разјарен народ. Разјарен поглед.

разјари | св.

Доведе во состојба на јарост, јад, гнев. Тие зборови го разјарија селанецот.

разјаснение | ср.

разјасни | св.

Направи да стане јасен, разбирлив, пошироко објасни. Откако го разјасни прашањето, собра голем број деца во училиштето. По секоја цена сакаше да си ја разјасни својата положба.

разјаснител | м.

Тој што разјаснува.

разјаснителен | прид.

разјаснувачки | прид.

Што содржи објаснување, што служи за разјаснување. Разјаснувачки факти.

разјужи | св.

За време ‒ стане потопло, затопли. Наскоро времето сигурно ќе разјужи.