разузда | св.
разуздан | прид.
Што е без узда. Разуздани коњи.
разузди | св.
Симне узда од коњ. Разузди ги коњите, нека се одморат малку.
разузнава | несв.
Разбира, сфаќа, осознава, распознава. Малечкото веќе разузнава по нешто. Кога се разбуди од кома, почна да разузнава. Далтонистите не разузнаваат бои.
разузнавач | м.
Лице што се занимава професионално со разузнавање, што работи во служба за разузнавање. Владините разузнавачи први ја пренесоа информацијата.
разузнавачки | прид.
Што се однесува на разузнавач и на разузнавање. Разузнавачки методи. Разузнавачка служба.
разузнае | св.
Сфати, разбере, распознае, осознае, препознае предмети и појави. Децата може да ги разузнаат родителите по првите два месеца. Откако се освестив, јас прво ја разузнав мајка ми.
разукраси | св.
Отстрани украсни предмети, раскити нешто накитено. Неколку дена по празникот ја разукраси куќата.
разулавен | прид.
Што е поулавен, безумен, избезумен, збеснат. Разулавена жена. Разулавени деца. Разулавен коњ. Разулавен кикот.
разулави | св.
Поулави, доведе некого во состојба на улав, налути некого, направи некој да се однесува како улав. Нејзиното присуство ги разулави децата. Не е првпат да ја разулави мајка си.