ранобуда | м.

ранобуден | прид.

Што се разбудува, што се буди рано. Ранобудните петли ја навестија зората. Ранобудни фабрички работници. Ранобудна домаќинка.

ранобудник | м.

Тој што се буди, што се разбудува рано. Тој е ранобудник.

рановизантиски | прид.

Што е, што се појавува во раниот византиски период. Рановизантиска книжевност. Рановизантиски текстови. Рановизантиска епоха.

раноградинарски | прид.

Градинарски култури што се јавуваат рано напролет. Раноградинарски производи. Раноградинарски зеленчук.

раноесенски | прид.

Што е, што се појавува рано наесен. Раноесенски производи. Раноесенски температури.

ранозрел | прид.

Што достигнува рано зрелост, порано завршува со растење. Ранозрели раси овци. Мерино прекос означува ранозрела овца.

ранопролетен | прид.

Што е, што се појавува рано напролет. Ранопролетни култури. Ранопролетни температури.

раноутрински | прид.

Што е, што се одвива многу рано наутро. Раноутрински час. Раноутрински разговори. Раноутрински прошетки. Раноутрински сцени.

ранохристијански | прид.

Што е, што се појавува во раниот христијански период. Ранохристијански автори. Ранохристијанска книжнина. Ранохристијански период.