сензибилен | прид.
Што е мошне чувствителен на надворешна дразба; чувствителен. Сензибилен дух. Сензибилен човек.
сензибилитет | ж.
Особина на тој што е многу осетлив, чувствителен; осетливост, чувствителност. Поетски сензибилитет. Медитерански сензибилитет. Автентичен ликовен сензибилитет. Национален сензибилитет.
сензитивен | прид.
Што е чувствителен. Сензитивен свет.
сензор | м.
Апарат, уред што открива и мери физички својства (светлина, топлина, притисок, радиобранови и сл.) и ги покажува, забележува или реагира на соодветен начин. Сензорите покажаа присуство на извор на енергија. Сензорот на телевизорот не реагираше.
сензорен | прид.
Што се однесува на сензор.
сензуален | прид.
Што се однесува на физичките сетила, чувства, или што ги задоволува физичките чувства; телесен, плотски. Сензуални задоволства.
сензуализам | м.
(филоз.) Екстремно сфаќање според кое сетилата се единствен извор на спознанието.
сени | несв.
Држи сенка; покрива со сенка. Момчето му сенеше на мајсторот, но тој ништо не му рече. Чадорот за сонце сенеше на масата на која пиевме кафе. Ми сениш ‒ му рече бабата на детето.
сенилен | прид.
Душевно и телесно опаднат, изнемоштен поради старост. Сенилна старица.
сениор | м.
Постар човек, претпоставен, старешина.
