сквичи | св.

Наеднаш почне да квичи; Прасињата сквичија. Тој сквичи од болка.

скворец | м.

скеларина | ж.

Данок или такса за преминување река со скеле.

скеле | ср.

Привремена метална или дрвена конструкција што се поставува при градба или поправка покрај градежен објект. Ѕидарите најпрвин го поставија скелето.

скелет | м.

(анат.) Сите коски во телото на човек или на животно што ја сочинуваат основата која го држи телото и на која се прикрепени мускулите. Човечки скелет. Скелет на мачка. Под урнатините најдоа делови од скелет.

скелетен | прид.

Што се однесува на скелет. Скелетна конструкција.

скелеџија | м.

Лице што управува со скеле, што пренесува луѓе и стоки со скеле.

скемлија | ж.

Стол, клупа.

скендер | м.

Диво и стрмно место; стрмно место со вода и природни водопади.

скенер | м.

Уред за скенирање, читање или испитување на нешто; оптички читач.