самонабљудение | ср.

самонабљудува се | несв.

Се набљудува самиот себеси, сопствените мисли и чувства, својата психичка и физичка состојба итн. Таа се самонабљудуваше и го откриваше своето скриено јас.

самоник | м.

Растение што никнало самото од себе, без човечки труд. Кајсија самоник.

самообвинение | ср.

Обвинение кон самиот себеси. Наметнато самообвинение. Се душеше во самообвиненија.

самообвини се | св.

Обвини самиот себеси. За да го заштити виновникот, се самообвини.

самообразова се | св. и несв.

Образова самиот себеси, без посета на настава и без помош од наставници. Се самообразова на туѓ јазик. Желбата да се самообразова не го напушти дури ни во поодмината возраст.

самообразование | ср.

Образование стекнато самостојно, без посета на настава и без помош од наставник. Филозофско самообразование. Самообразование од различни области.

самообразовен | прид.

Што се однесува на самообразование. Самообразовен процес. Самообразовен период.

самоограничи се | св.

Ограничи самиот себеси своите потреби, желби, интереси. Се самоограничи во темите што ги обработуваше.

самоодбрана | ж.

Одбрана на себеси со сопствени сили и средства, на личната сопственост и интереси; Оружје за самоодбрана. Убиство во самоодбрана.