средина 2 | ж.
Збир од природните животни услови на живиот свет. Природна средина. Здрава еколошка средина.
средишница | ж.
Во шахот ‒ средишниот дел од играта.
средиште | ср.
средина2. (прен.) Значајно место на некаква дејност. Културно средиште. Религиозно средиште.
средиштен | прид.
Што се однесува на средиште; централен. Средишниот дел.
средлетен | прид.
Што се однесува на средлето, што се се случува средлето. Средлетна безветрина.
средлето | ср.
Средина на летото.
Средна Азија | ж.
Географски регион во Азија, го опфаќа централниот дел на континентот, т.е. азискиот дел на Русија, како и државите што се граничат со неа.
Средна Америка | ж.
Дел од американскиот континент, помеѓу Мексико и Јужна Америка, како и островите од Карипското Море.
средник | м.
Селанец со мал имот што го обработува сам.
среднист | м.
Тој што е со средно образование.
