стежер | м.
стежне | св.
Стане тежок, потежок; натежне, отежне.
стек 1 | м.
Во изразот стек на околности: ситуација што настанува поради истовремена појава на различни околности.
стек 2 | и.
Парче месо без коска, обично телешко, говедско. Говедски стек. Пилешки стек.
стекне | св.
Постигне, добие нешто како резултат на труд, дејност и сл. Тие го стекнале имотот во брак. Работеше во странство и стекна голем капитал. Тој стекнал богатство во воени услови.
стела 1 | ж.
Надгробна камена плоча или столб со натпис, релјеф или слика на челната страна.
стела 2 | ж.
Внатрешниот дел од самарот, поставата од самарот. Ја распара стелата од самарот. Ткаеше стели.
стелна | прид.
За крава ‒ што носи плод, што треба да се отели.
стелница | ж.
Стелна крава.
стелност | ж.
Состојба кога кравата носи плод, од оплодувањето до отелувањето.
