сувотува | несв.
Јаде посна и сиромашна храна; слабо се храни. Селаните сувотува оваа зима.
сувчо | м.
Човек што е сув, слаб.
сугаре | ср.
За јагне, јаре, теле ‒ доцна родено. Јагне сугаре печеа.
сугарен | прид.
Што е доцна роден. Сугарно теле. Сугарно дете.
сугерира | св. и несв.
Повлијае, влијае врз нечие мислење, волја или чувства; наговори, наговара. Тој му сугерира да отвори дуќан. Лекарот сугерираше операција.
сугестибилен | прид.
Што лесно потпаѓа под сугестија, што подлежи на сугестија. Тој имаше некритично и сугестибилно мислење.
сугестивен | прид.
Што има моќ да сугерира, да влијае на мислењето и постапките на некого. Сугестивен говор.
сугестија | ж.
Влијание врз нечија волја или мислење, влијание врз однесувањето на другите, предизвикување на одредени духовни сосотојби кај други луѓе. Професорот даде сугестија проектот да се работи заеднички. Го купи тој фустан под сугестија на другарките. Се оженил под сугестија на мајка му.
суграв | прид.
Што е извиткан, усучен. Суграви мустаќи. Суграва коса.
суграда | ж.
Градба, зграда. Царска суграда.
