судач | м.

судба | ж.

судбина | ж.

Виша сила што, според верувањата, го управува животот на луѓето и го определува текот на настаните. Ништо не може да ја смени судбината на човекот. Судбината на детето ја одредуваат наречниците на трета вечер по раѓањето на детето.

судбински | прид.

Што се однесува на судбината, што произлегува од судбината; што е однапред одреден, што не може да се измени или да се избегне. Судбинска средба. Судбинско решение. Судбински настани.

судбоносен | прид.

Што го одредува понатамошниот тек на настаните, пресуден. Судбоносни решенија за нашиот народ. Судбоносен ден. Судбоносни моменти.

суден | прид.

Глаголска придавка од суди.

суден | прид.

Во изразите: На судниот ден ‒ на последниот ден на светот кога ќе им се суди на живите и на мртвите. Судни маки ‒ големи, тешки маки предодреди од божјиот суд.

суденик | м.

Судбински предодреден брачен партнер. Дојде суденикот да ја види.

Судети | и.

Планински венец во Централна Европа.

суди | несв.

За судија или суд ‒ решава судски процес. Ќе им суди на разбојниците. Му судеше воен суд.