сајла | ж.

Челично јаже. Сајлата на лифтот се расипа. Ги одзатнуваа цевките со дебели челични сајли.

сајмиште | ср.

Место каде што се одржува саем. Промоцијата ќе се одржи на сајмиштето.

сања | ж.

санка.

саќе | ср.

Правилни, симетрично распоредени клетки од восок што ги прават пчелите за складирање на медот и за положување јајца. Мед со саќе. Подвижно саќе претставуваат специјалните рамки. Медните клетки пчелите ги изработуваат во горниот дел од саќето.

саџаде | ср.

саџак | м.

Метален триножник на огниште врз кој се става сад за готвење;

свадба | ж.

Семејна прослава, свеченост по повод венчавање, стапување во брак. Селска свадба. Скромна свадба. Свадба со многу гости. Покана за свадба. Прави свадба. Си спомнуваше за својата свадба.

свадбар | м.

Гостин на свадба; сват. Весели свадбари. Музика за свадбарите. Дворот беше полн со свадбари.

свадбарина | ж.

Давачка, такса што се плаќа за венчавање.

свадбен | прид.

Што се однесува на свадба. Свадбен фустан. Свадбено патување. Свадбени обичаи.