торакален | прид.

Што се однесува на тораксот. Торакална хирургија.

торакс | м.

Дел од трупот што се наоѓа меѓу вратот и дијафрагмата, граден кош.

торба | ж.

Сошиено ќесе од платно, кожа и сл., со отвор во горниот дел, со една или две рачки, во различна форма и големина и со различна намена. Кожена торба. Торба од платно. Патна торба. Ученичкa торба. Торба за на пазар. Војнички торби.

торбари | и.

Цицачи кои младите ги носат в торба додека цицаат; Marsupialia;

торбест | прид.

Што е во форма на торба. Торбести клунови.

Торбеш | м.

Назив за Македонците со исламска вероисповед.

тореадор | м.

Борец во традиционална борба со бикови (во Шпанија и во некои земји на Јужна Америка);

тореро | ср.

торзо | ср.

Телото на човекот без екстремитетите. Кратко торзо.

Торино | ср.

Град во Италија.