трактат | м.
Поголем труд, теориска расправа што обемно, исцрпно обработува одредена тема, студија.
трактор | м.
Земјоделска машина со тркала или со гасеници која користи приклучни орудија за обработка на почвата и за влечење.
тракторист | м.
Тој што управува со трактор.
трамбулина | ж.
Штица што служи за забрзување пред гимнастички скок и пред скок во вода.
трамвај | м.
Градско патничко превозно средство на електричен погон, со еден или неколку вагони, што се движи по шини.
трамвајџија | м.
Тој што управува со трамвај.
траминец | м.
(бот.) Сорта на винова лоза со бело грозје.
трампа | ж.
Размена на стока за стока без посредство на парични средства. Трговецот прифати откуп и со пари, и со злато, а и со трампа.
трампи | св. и несв.
Направи, прави трампа, размени, разменува стока за стока. Селаните од планинските села ги трампеа компирите за жито. Собираше тревки и корења и ги трампеше за сулфур. Тука има жито повеќе од песок, ќе трампиме за калинки, за смокви, за грозје.
транзистор | м.
Мал кристален полупроводник за потсилување на сигналот кај некои апарати (машини за сметање, апарат за слух и сл.).
