транзит | м.
Превоз, пренесување на патници или стока од една земја во друга преку земја што се наоѓа меѓу нив.
транзитен | прид.
Што се однесува на транзит. Транзитен центар. Транзитна стока. Транзитни визи.
транзитивен | прид.
За глагол – што се карактеризира со дејство што преминува директно на предметот; преоден.
транзиција | ж.
Преминување или промена од една состојба во друга. Општествена транзиција. Период на транзиција.
транзиционен | прид.
транс | м.
Силна возбуда, восхит, занес, екстаза. Чудесен транс.
трансакција | ж.
Трговска зделка, деловен потфат, спогодба. Ризични трансакции.
трансатлантски | прид.
Прекуокеански, што се наоѓа од другата страна на Атлантскиот Океан.
трансверзала | ж.
(мат.) Во геометријата – линија што сече две или повеќе прави што лежат во иста рамнина.
трансверзален | прид.
Што е поставен напреку, не по должина на нешто, напречен. Трансверзален пат.
