талпа | ж.
Голема, дебела штица. Скелето беше направено од чамови талпи. Ја зема теслата и почнува да делка една талпа.
тамавќар | м.
тамам | прил.
Токму, точно по мера, по големина. Чевлите ми се тамам.
тамани | несв.
Уништува со убивање, ловење и сл.; истребува. Норовите ја таманат плашицата.
тамариска | ж.
Вид украсно растение; Tamarix.
тамаќар | м.
Скржавец, стипса. Трговец тамаќар.
тамаќарлак | м.
Скржавштина, скржавост. Тамаќарлакот му го зел умот.
тамбур | м.
Тапан, барабан.
тамбура | ж.
Ориентален, жичен музички инструмент на кој се свири со перце.
тамбураш | м.
Свирач на тамбура.
