тамбурина | ж.

Дајре.

тамина | прил.

Приближно, одоко. Еве што зајре зедов по тамина, оти не ми нарача што да земам.

тамо | прил.

тамошен | прил.

Што се наоѓа, што потекнува или што е поврзан со тоа место, со тој крај за којшто се зборува. Тамошното население. Тамошниот учител. Тамошната печатница. Во тамошните дуќани можеш да најдеш што ќе посакаш.

тампон | м.

Топче од стерилизирана вата или газа што се употребува за запирање на крвавење, за извлекување секрет и сл.

тампонира | св. и несв.

Затне, затнува, затвори, затвора притисне, притиска. Општината го тампонира стариот пат.

там-там | м.

Традиционален музички инструмент, вид тапан кај црнечките племиња во Африка, кај Индијанците.

таму | прил.

На едно определено место, на тоа место за коешто се зборува. Полека, пипајќи, оди до прозорецот и таму застанува. Таму во градот, играте ли карти? Таму се најдовме, на автобуската станица.

тананика | несв.

Потпевнува, прави та-на-на. Оди по патот и тананика некоја песна.

тангар-мангар | изв.