трпок | прид.
Што има киселкав и малку горчлив вкус, што ја собира устата, опор. Трпок вкус. Трпка горчина. Трпко зрно грозје. Трпко вино.
трска | ж.
(бот.) Високо тревно растение што расте на мочурливи места, со долго цевчесто стебло и цветови што излегуваат во форма на метличка од долгнавестите и тесни листови; Phragmites communis. Крајбрежна зелена трска.
трскар | м.
Преселна птица слична на врабец што живее на мочурливи места обраснати со трска или со грмушки; Acrocephalus.
трскара | ж.
Работилница за обработка на трска.
трскен | прид.
Што се однесува на трска; што е направен од трска. Трскена ограда.
трстика | ж.
трска_1
трти се | несв.
Се свива надолу, се наведнува без да ги свива колената.
тртка | ж.
тртник.
тртник | м.
Најзадниот месест дел на телото од птица.
тртори | несв.
Дрдори, брбори. Трторат жените в куќа.
