тура 3 | ж.
Патување, одење, заминување некаде со туристичка или некаква друга цел. Туристичка тура. Планинарска тура. Велосипедски тури. Тури за Далечниот Исток.
тура | несв.
Налева, сипе течност во нешто или врз нешто. Тој тура ракија, ние пиеме наискап. Во тавата тураше масло да се загрее.
туража | ж.
Бројот на вртежи што ги прави еден мотор, обично автомобилски, за определено време. Висока туража.
туралија | прид.
Што има тура2, што е со тура. Жолтица туралија.
турач | м.
Тој што тура, што сипе.
турбан | м.
а) Бела лесна ткаенина обвиткана околу фесот кај муслиманите; чалма. б) Дел од традиционалната облека кај муслиманите што ја покрива главата, парче платно со различна должина и боја, слоевито свиткано околу главата во различна форма.
турбе | ср.
Надгробен споменик, мал исламски мавзолеј, најчесто градба со шестоаголна или осмоаголна форма покриена со купола, обично кон џамија.
турбина | ж.
Ротациона машина што ја претвора кинетичката енергија на некој медиум (вода, пареа, гас, воздух) во механичка работа. Парна турбина. Водна турбина.
турбо | прил.
Постојано, без прекин. Работиме турбо.
турбо- | претс.
Прв дел од сложенки кој покажува дека тоа што го означува основата на вториот дел од сложенката се движи со помош на турбина: турбогенератор, турбореактор.
