телефакс | м.
Апарат за примање и испраќање писмени соопштенија и снимки, цртежи и сл. од далечина преку телефонска мрежа.
телефон | м.
Апарат за пренесување на говор на далечина преку електрични сигнали. Телефонот му е исклучен. Телефонот повторно заѕвони.
телефонија | ж.
Систем од телефонски уреди за пренесување говор на далечина преку електрични сигнали или безжично.
телефонира | св. и несв.
Јави, јавува, зборува по телефон. Треба само да ми телефонираш и ќе дојдам. Ќе ти телефонирам веднаш штом ќе пристигнам.
телефонист | м.
Тој што работи во телефонска централа и остварува телефонска врска меѓу корисниците.
телешки | прид.
Што се однесува на теле, што е од теле. Телешко месо. Телешки бут. Телешка кожа.
телешко | ср.
Месо од теле. Јадеше телешко со компири.
тели | несв.
За крава – раѓа теле.
тело | ср.
(физ.) Материја што исполнува определен дел од просторот, секој одделен материјален предмет во просторот. Гасовити тела. Слободен пад на телата.
телољубец | м.
Тој што води грижа, што го негува своето тело.
