техниколор | м.
Филм во боја.
техникум | м.
Средно стручно училиште.
техничар | м.
Тој што има завршено средно стручно образование. Рударски техничар. Машински техничар. Ветеринарен техничар.
технички | прид.
Што се однесува, што припаѓа на техниката. Технички развиток. Техничка опрема. Техничка лабораторија. Технички средства.
технобирократија | ж.
Испреплетување на технократијата и бирократијата што се засновува врз сличноста на функциите на техноструктурата и администрацијата во општеството.
технократ | м.
Претставник или приврзаник на технократскиот систем на управување.
технократизам | м.
Гледиште во социјално-економската теорија според кое сите сфери на општествениот живот и дејствување треба да се организираат врз принципите на техниката, на стручното знаење, и водството во тие сфери да им се препушти на најспособните претставници на техничката интелигенција.
технократија | зам.
Владеење на научно-техничката интелигенција според соодветната социјална теорија која е носител на развојот на општеството;
технолoгија | ж.
Наука или збир од знаења, постапки и вештини за обработка или преработка на суровините и полуфабрикатите во производството до готови производи.
технолог | м.
Специјалист во областа на технологијата, обично во определена гранка на производството.
