типичен | прид.

Што содржи карактеристични особини, обележја на некаков тип предмети, појави, поими и сл. Типична градска куќа. Типичен малограѓанин. Типичен хуморист. Типична судбина. Типични карактери.

типка | ж.

типограф | м.

Графичар, печатар, слагач.

типографија | ж.

Печатење на текстови, книги и сл., печатарство.

типологија | ж.

Дисциплина што ги распределува предметите и појавите на некое истражување по типови според нивните главни карактеристики.

типоса | св.

Напечати, отпечати.

тип-топ | прид.

Совршен, комплетен, првокласен. Тип-топ костум. Тип-топ форма. Тип-топ девојки.

типува | св. и несв.

Предвиди, предвидува резултат на спортски натпревар, прогнозира. Соседот типуваше 2:1 за финалниот натпревар од фудбалското првенство.

тирада | ж.

Долго развлечено искажување, обично со повишен тон, што изразува прекор, строга критика, па и навреда.

тираж | м.

Број на отпечатени примероци на едно издание. Голем тираж. Тираж од илјада примероци. Испорака на тиражот. Зголемување на тиражите на прозните дела.