унифицира | св. и несв.
Направи, прави да биде како едно, да се подведе под ист тип, модел, систем.
униформа | ж.
Службена облека со кројка и материјал дизајниран во зависност од професијата. Војничка униформа. Училишна униформа. Полициска униформа.
униформен | прид.
Што е едноличен, еднообразен.
униформира | св. и несв.
Облече, облекува униформа, еднаква облека за сите. Ги униформираа учениците од гимназијата.
униформиран | прид.
Глаголска придавка од униформира.
уништен | прид.
Глаголска придавка од уништи.
уништи | св.
Упропасти, сотре, погуби, ликвидира. Непријателот го ограбил и го уништил градот. Полицијата го уништи засолништето на бандата. Бомбата ја уништи пругата. Сушата наполно уништи поголем број површини со сончоглед. Пожарот ги уништил сите документи и вредни книги.
уништлив | прид.
Што може да се уништи.
уништувач | м.
Тој што уништил нешто, што уништува. Уништувач на природата. Уништувачи на фрески.
уништувачки | прид.
Што може да уништи, што уништува. Уништувачки поход.
