филм | м.
Тенка целулоидна лента за снимање во кинематографијата и фотографијата. Има ли филм во фотоапаратот. Колор филм. Црно-бел филм.
филмаџија | м.
Тој што работи на филм, филмски работник.
филмолог | м.
Тој што се занимава со филмологија.
филмологија | ж.
Наука што го проучува филмот.
филмофил | м.
Тој што многу сака да гледа филмови.
филмски | прид.
Што се однесува, што припаѓа на филм. Филмска лента. Филмско платно. Филмско студио.
филмува | несв.
Пренесува на филм некој настан, книжевно дело, снима филм.
филов | прид.
Што е од фил2, што му припаѓа на фил2, слонов.
филодендрон | м.
Декоративно собно растение по потекло од тропските области, се одгледува поради декоративните листови; Philodendron scandens.
филозоф | м.
Специјалист по филозофија, тој што се занимава со филозофија.
