филов | прид.
Што е од фил2, што му припаѓа на фил2, слонов.
филодендрон | м.
Декоративно собно растение по потекло од тропските области, се одгледува поради декоративните листови; Philodendron scandens.
филозоф | м.
Специјалист по филозофија, тој што се занимава со филозофија.
филозофија | ж.
а) Наука за најопштите закони за развитокот на природата, на човечкото општество и на мислењето. б) Учењето на некој филозоф. Филозофијата на Кант.
филозофира | несв.
Се занимава со филозофија, размислува за филозофски прашања.
филозофски | прид.
Што се однесува на филозофија 1 и филозоф Филозофски факултет. Филозофска категорија. Филозофско прашање.
филоксера | ж.
(зоол.) Инсект, лисна вошка што го напаѓа листот и коренот на виновата лоза; Phylloxera vastatrix.
филолог | м.
Тој што се занимава со филологија.
филологија | ж.
Севкупност од научни дисциплини што ја изучуваат културата на еден народ изразена преку јазикот и литературата. Класична филологија. Словенска филологија. Романска филологија.
филолошки | прид.
Што се однесува, што припаѓа на филолог и филологија, што е заснован на методите на филологијата. Филолошки факултет. Филолошки испитувања.
