фуриозен | прид.
Бесен, див. Фуриозен напад. Фуриозно темпо.
фурија | ж.
Во староримската митологија ‒ божица на одмаздата.
фурка | ж.
Дрвена алатка, во горниот дел во форма на виљушка, на која се намотува каделата за предење; урка. Седна покрај огнот и ја запна фурката да преде.
фуркета | ж.
Широка и долга шнола за придржување на косата, обично во кок. Во задниот дел косата се поткреваше во кок, прикрепен со дузина фуркети.
фуркетка | ж.
Безопасна игла.
фурма | ж.
фурна | ж.
Ѕидана или електрична печка за печење леб и др. јадења. Од ѕиданата фурна се ширеше топлиот мирис на леб. Јагне печено во фурна.
фурнаџија | м.
Тој што пече леб и др. печива; тој што продава леб и др. печива; пекар.
фурник | м.
Тој што го пренесува грозјето за време на бербата.
фурнир | м.
Материјал добиен со лепење на тенки дрвени листови под притисок.
