чарклија | прид.

Што е со тркало со запци. Чарклии мамузи. Пиштол чарклија.

чарлстон | м.

Вид брз американски танц.

чаршаф | м.

Покривка на постела, на јорган, на маса и сл. обично од памучно или ленено платно. Чаршафи од дамаст. Креветски чаршаф. Јоргански чаршаф. Чаршаф за на маса.

чаршилија | м.

чаршиски | прид.

Што се однесува на чаршија; што ѝ припаѓа на чаршија. Чаршиски човек. Чаршиски живот. Чаршиски муабети.

чаршија | ж.

Дел од градот во кој се сместени трговски, занаетчиски и услужни објекти и дуќани. Чаршијата беше преполна народ, беше пазарен ден. Имаше дуќан на најубаво место во чаршијата.

чаршијузлија | м.

чаршузлија | м.

Трговец, човек од чаршијата. Чаршијата ја преземаат нашите чаршузлии.

час | м.

Мерка за време, единица што се дели на 60 минути. Дојдовме пред половина час. Состанокот траеше три часа. По седум часа работа завршивме со ѕидањето.

часкум | прил.

Веднаш, во истиот момент. Луѓето часкум престанаа да плачат. Часкум сфати дека згрешил.