шареница | ж.
Претерано шаренило, мешаница од шаренило, пренатрупано (со бои и стилови). Шареница во облекувањето. Шареница од мебел во дневната соба.
шарец | м.
Шарен коњ што има шари по телото од поинакви влакна од основната бела боја. Тој дојава на шарецот.
шаржа | ж.
Определена количина суровина што се обработува во еден процес на производство.
шаржер | м.
Метална рамка со повеќе куршуми за пушка, пиштол или друго огнено оружје. Полн шаржер. Празни шаржери.
шари | несв.
Црта, прави линии, повлекува линии врз нешто. Девојчето шареше со прачка по песокот. Учениците шареа со креда по таблата.
шарило | ср.
Материјал, боја или предмет со кој се шари.
шарка 1 | ж.
Реска, цртка, линија, црта на некој предмет или на нешто. Шарките на ѕидот создаваат единство од топли бои. Две шарки парај – црвена и црна. Имаше една шарка на кошулата. Геометриски шарки. Авионот оставаше долга, бела шарка на небото.
шарка 2 | ж.
Метален дел, желевце за поврзување кај врата, различни други делови од мебел, кутија, рамка на врата, крило на прозорец. Метални шарки. Една шарка на дрвената кутија беше разнишана.
шарка | несв.
Шара малку, Детето шаркаше по тетратката.
шарканица | ж.
Слика или текст без некоја вредност и концепција. Неговите шарканици никој не ги купува. Нејзиниот роман е обична шарканица.
