Шибеник | м.
Приморски град во Хрватска.
шибер | м.
Механизам со лизгачки делови – во некои машини, на прозорци, врати и сл. Стави шибер врата меѓу кујната и дневната. Прозорците се шибер. На неколку места има шибери што се отвораат и се затвораат автоматски.
шиблинка | ж.
Тенка, еластична, долга прачка, обично со трње на неа; тенко стебло.
шибне | св.
Силно удри со дел од човековото тело или со некој предмет. Тој го шибна со нога по коленото. Таа го шибна коњот за да трча побргу.
шивална | ж.
Работилница каде што се шие, се изработува облека. Модерни шивалници. Стара шивална. Реновирани шивални
шивач | м.
Тој што шие, занаетчија што се занимава со шиење облека. Познат шивач на машки костуми. Модерни светски шивачи.
шивачки | прид.
Што служи при шиење. Шивачка машина. Шивачки прибор. Шивачки игли.
шие | несв.
Соединува, прикрепува нешто со помош на игла и конец, рачно или со машина за шиење. Таа ги шиеше копчињата на кошулата. Веќе неколку пати ја шиеше поставата на здолништето.
шизи | несв.
Игра модерен танц што се појавила во шеесетите години од XX век, танц со брз ритам на рокенрол музика. Момчињата и девојките шизеа на подиумот. Публиката врескаше и шизеше.
шизик | м.
Тој што се однесува или се облекува според модните трендови, надвор од форми и стереотипи, без да внимава на определени протоколи, Скопски шизици. Најголем шизик во градот.
