шукне 1 | св.
Удри, чукне. Таа го шукна по глава момчето.
шукне 2 | св.
Втурне, втера, вовлече нешто. Детето го шукна јаболкото во ранецот.
шуќур | мод.
Израз на благодарност, фала богу, фала му на Бога. Шуќур дојде време и за нас. Шуќур останавме дома.
шук-шук | прил.
Сосема малку, лесно, без мака да се стори нешто. Сака да си помине со шук-шук.
шум | м.
Неопределен звук, ненамерно или намерно произведен при извршувањето на некоја дејност или при некакво дејство; звук. Таинствен шум. Се слушна некаков шум од визбата. Тивки шумови. Шумови од телевизорот.
шума | ж.
Голема површина засадена со стебла; предел обраснат со дрвја; гора. Густа шума. Ретка шума. Борова шума. Дабова шума. Се изгуби во шумата.
шумадинка | ж.
Вид домашна свиња што се одгледува во Србија.
шумар 1 | м.
Лице што ја чува шумата и што се грижи за неа. Шумарот ги бележеше стеблата за сечење.
шумар 2 | м.
Мал, одделен дел обраснат со дрвја; Во шумарот се зеленеат високите борови.
шумарина | ж.
Шумска такса. Плаќаат шумарина за да ги користат стеблата за огрев.
