џинороз | м.
Вид петел со мал раст.
џинс 1 | м.
Род, потекло, сој. Им го знаеше џинсот, сојот, подобро и од што си го знаеја сами.
џинс 2 | м.
Тексас платно.
џип | м.
Вид теренско возило, автомобил за движење по тешки терени.
џитка | несв.
Фрла силно со замавнување. Можеби џиткаат чифтиња.
џитне | св.
Фрли силно со замавнување. Го зграби и го џитна накај вратата. Вешто ги џитна зарчињата.
џиу-џицу | ср.
Вид јапонски начин на борење и одбранбена вештина без оружје.
џихад | м.
Верска војна на муслиманите за одбрана и ширење на исламот.
џиџан | прид.
Во детскиот јазик – убав, дотеран.
џиџе | ср.
Нешто убаво, убави ситни предмети, убава играчка и сл.
