добар | прид.

а) Што е со мек и благ карактер, што не прави зло, што сочувствува со другите. Нема подобар учител од него. Тој беше добар човек и добар татко. Тие беа добри деца. б) Што е карактеристичен за човек со благ карактер. Тој има добра душа и добро срце.

поаѓа | несв.

Почнува да оди, да се движи; тргнува, заминува некаде. Кога поаѓате за Охрид? Возот поаѓа напладне.

кован | прид.

Што е изработен од метал; што е изработен со ковење. Дворот беше со ограда од ковано железо. Ковани пари.

аверс | м.

Предна страна на метална пара или медал;

аскер | м.

Војска. Голем аскер мина низ селото и зад себе пустош остави. Селата се наполнија со аскер.

кокар | м.

жалба | ж.

Изразување (обично писмено) незадоволство од некоја неправилност со молба да се отстрани. Тој поднесе жалба до судот. Жалбите на селаните против власта не беа прифатени.

жабји | прид.

Што се однесува, што ѝ припаѓа на жаба. Од барите крај реката се слушаше жабјо крекање.

поган | прид.

а) Злобен, пакосен; одвратен. Го познаваа како многу поган човек. Погана душа. б) Многу лош. Погано куче. Погано време. Погана зима.

плива | несв.

а) Се движи во вода правејќи потребни движења со рацете и нозете, со телото, односно со органите (кај рибите и др.) приспособени за тоа. Тој плива уште од мал. Пливачите пливаат веќе еден час. Рибите пливаа во аквариумот наваму натаму. Кучето пливаше од едниот крај на езерото на другиот. б) Тренира пливање. Таа плива веќе две години.