запре | св.

Престане да оди, да се движи, да се одвива некое дејство. Жената запрела пред една порта. Пред селото запреа камиони. Моторот запре. Музиката наеднаш запре. Одвај дочека да запре дождот.

аванс | м.

Уплата или исплата за нешто однапред. Настојувам преку капар или аванс цврсто да ги врзам купувачите. Таа подигна аванс за пат.

Чешка | ж.

Држава во Европа.

чепка | несв.

За птица ‒ со нозете, со клунот растребува, бара храна. Кокошките чепкаа на селското буниште. Пилињата чепкаа по дворот.

чепка | ж.

Отчепен дел од нешто, обично од растение. Дај ми една чепка од сарделата.

четка | ж.

Направа за чистење, четкање, рибање и др., направена од цврста подлога (дрвена, пластична, коскена и сл.) во која се прицврстени влакна, природни или вештачки или нешто слично на тоа. Четка за чевли. Четка за алишта. Четка за заби.

чекач | м.

Тој што чека. Ловџиите се поделија на два табора, едните се терачи, другите чекачи.

дувар | м.

челад | ж.

Децата во едно семејство. Имаше само машка челад. Женска челад. Се стори мајка, со своја челад.

четка | несв.

Чисти со четка. Ги четка чевлите. Го четка палтото од прашина.