затворен | прид.

Глаголска придавка од затвори.

затвореник | м.

Лице што издржува казна во затвор. Ранет затвореник. Политички затвореник.

затвори | св.

Направи да не може да се излезе од (или да се влезе во) некаква просторија или заграден простор, да не може да се помине; отвори. Затвори врата. Затвори порта. Затвори прозорец.

затворник | м.

затврден | прид.

Што станало тврдо, цврсто. Затврдена кал.

затврди | св.

Утврди, зацврсти. Тој ги затврди основите на македонската писменост. Новата власт уште повеќе му ги затврди угледот и добриот глас.

затврдне | св.

Стане тврд. Постепено меките гласови затврднале.

затега | несв.

Прави нешто да биде напнато. Одвреме-навреме ги затега дизгините на коњот. Многу го затегаш ременот, ќе се скине.

затегнат | прид.

Глаголска придавка од затегне. Затегнато јаже.

затегне | св.

Направи да стане нешто напнато, оптегнато. Малку ги затегна дизгините на коњот и тој застана. Не забораваше да ги затегне жиците на своето тамбурче.