зачисти | св.
Почне да чисти. Стана и веднаш зачисти низ куќа.
зачита | несв.
Почитува, цени. Докторот многу го зачитаат во селото.
зачита | св.
Почне да чита. Таа ја зачита новата книга. Ученикот зачита на глас.
зачкива | св.
Почне да гледа со полузатворени очи, подзамиже. Наредникот лукаво зачкива со едното око.
зачкраба | св.
Почне да чкраба. Детето зачкраба по боенката. Човекот нервозно зачкраба на документот.
зачкрапа | св.
Почне да чкрапа (со пушка, пиштол итн.). Војникот зачкрапа со пушката.
зачкрботи | св.
Почне да чкрботи. Клучот зачкрботи во бравата. Стражарот зачкрботи со клучот и влезе во келијата.
зачкрипи | св.
За автомобил, за врата и сл. – почне да чкрипи. Одненадеж зачкрипеа сопирачки од автомобил. Возот продорно зачкрипе. Вратата зачкрипе и детето влезе внатре.
зачкрта | св.
зачкрипи. Фотелјата зачкрта од тежината на дедото. Вратата зачкрта, кваката се придвижи, некој влезе.
зачлени | св.
Запише некого за член во некоја организација, друштво и сл. Родителите без да ја прашаат ја зачленија во играорната секција. По негова желба го зачленија во еколошко друштво.
