значителен | прид.

Што е голем по размер, по сила, количество и сл. и поради тоа има определено значење. Завршивме значителен дел од работата. Значителна штета. Значителни расходи. Значителен успех.

значка | ж.

Метална или пластична плочка со симбол на некоја организација, партија, движење, друштво, клуб итн. што се носи на дел од облеката (обично на реверот) како знак на приврзаност, припадност, членство. Уште од мал собираше значки. Крводарителска значка.

зоб | ж.

(бот.) Вид житно растение што служи како добиточна храна, обично за коњите; овес.

зоба | несв.

За добиток – јаде зоб, се храни со зоб. Коњот зобаше од дрвеното корито.

зоблив | прид.

Што е како зоб, тешко се вари, и кога е сварено, зрното е тврдо. Зоблив грав. Зоблива леќа.

зобне | св.

За добиток – касне малку зоб. Коњот зобна само малку од зопта.

зобник | ж.

Торба за зоб што му се става на коњот преку глава кога се храни со зоб. Тргна кон зобниците за да го нахрани коњот

зовира | несв.

зоврие | св.

За течност – почне да врие, почне да клокоти и да испарува под дејство на висока температура. Водата зовре.

зовриеност | ж.

Состојба на тоа што е зовриено.