израси | св.

Направи нешто да биде со раски, загади некаква течност. Ја израси матеницата бидејќи ја остави непокриена.

израсипе | св.

Расипе нешто сосема, расипе повеќе предмети, расипе сè што можело да се расипе. Мајсторот ги израсипа сите апарати наместо да ги поправи.

израскаже | св.

Раскаже многу нешта наеднаш, во еден здив. Таа израскажа некои чудни приказни за непознатиот.

израскине | св.

Раскине сè што може да се раскине. Рибарите ги израскинале мрежите вадејќи ги набрзина. Ветерот ги израскина облаците над градот.

израсне | св.

Никнувајќи на некаква почва (основа), се појави надвор од неа, изникне и почне да расте и да се развива во целиот свој раст. а) За растение. На патеката израснала трева. б) За друго што расте. На детето му израснаа првите заби.

израсплаче | св.

Расплаче повеќемина одеднаш, сите што се присутни; Ги израсплака децата.

израсте | св.

израсток | м.

Тоа што израснало на нешто (на човечко или животинско тело, на дрво и сл.) По рацете имаше чудни мали израстоци.

изреди | св.

Направи нешто едноподруго: а) Посети, оди од едно до друго место едно подруго. Во недела стариот ги изреди сите комшии и роднини. б) Каже, наброи нешто едноподруго. Ученикот ги изреди имињата на сите планети од Сончевиот систем. в) Почести, понуди со ред, едноподруго. Невестата ги изреди сите гости со по една ракија.

изреже | св.

Со режење, исече нешто до крај, целосно. Децата ги изрежаа нацртаните букви.